გამარჯობა,
მე
გიგა კიპაროიძე ვარ, პროფესიით ეკონომისტი, ჩაის გადამამუშავებელი ფაბრიკის დამფუძნებელი
და დირექტორი, ჭიათურის სოფელ მანდაეთიდან. მჯერა რომ ჩვენი ჩაი, როგორც მაღალმთიან
და ეკოლოგიურად სუფთა რეგიონში მოყვანილი კულტურა, ძალიან მალე კიდევ უფრო მეტ ადამიანს
ეცოდინება, რადგან დღესდღეობით მაღალხარისხიან,
ეკოლოგიურ და
ბიო პროდუქტზე მოთხოვნა საგრძნობლად იზრდება.
მინდა
ჩემს მცირე გამოცდილებაზე, უკვე მიღწეულ შედეგსა და გეგმებზე მოგიყვეთ, რომლის განხორციელებაშიც
ევროკავშირის, შვედეთის და ავსტრიის მხარდაჭერით დაფინანსებულმა პროექტმა GRETA-მ
დიდი წვილი შეიტანა.
2019
წელს გადავწყვიტე ბიო წარმოებაზე გამეკეთებინა აქცენტი და სწორედ ამ პერიოდში აღმოვაჩინე
პროექტი GRETA, რომელიც სწორედ ბიო წარმოების განვითარებაზე არის ორიენტირებული. შეიძლება
ვთქვათ, რომ ჩვენი ინტერესების თანხვედრა იდეალური იყო და ამან განაპირობა ჩემს საქმიანობასა
და გეგმებში გარდამტეხი მომენტი. კერძოდ, ეს იყო დონორების დახმარებები, ჩაის გადამუშავებისთვის
საჭირო მანქანა დანადგარების და ინვენტარის შესაძენად. გულწრფელად გითხრათ, თავიდან
როცა შევიტყვე, რომ ჩემი იდეა საბოლოო ეტაპზე გადავიდა და დაფინანსება რეალური იყო,
ცოტათი დაუჯერებლად მომეჩვენა, მაგრამ, შემდგომმა ქმედებებმა დაუჯერებელი ამბავი სრულიად
რეალურად აქცია. ამას მოჰყვა მარკეტინგული კუთხით უდიდესი დახმარება, საერთაშორისო
გამოფენებზეც კი მოვახერხე ჩემი პროდუქტების წარდგენა და სამომავლო თანამშრომლობასაც
ჩაეყარა საფუძველი, რომელიც დღემდე აქტიურად მიმდინარეობს. რაც ალბათ დამეთანხმებით,
რომ ასეთი მცირე მასშტაბის მქონე მეწარმეებისთვის საოცრად დიდი შესაძლებლობაა.
გარდა
ამისა, დამატებით მინდა აღვნიშნო, რომ ჩემი გეგმები ადგილობრივ ბაზარზე პოზიციების
გამყარებასაც გულისხმობდა და ამ ნაწილშიც
დიდი დახმარება მივიღე დონორებისგან. ადგილობრივი ბაზრისთვის მარკეტინგული
მასალების მომზადება, მათ შორის ვიდეო რგოლების დამზადება, ტელევიზიებში წარდგენა
და სოც ქსელებში პოპულარიზაცია, ბრენდიგმა და ყველა მნიშვნელოვანი მარკეტინგულმა ნაბიჯებმა
დღეს ჩემს პროდუქციას ბიზნეს წრეში საკმაო ცნობადობა მოუტანა და ამ მიმართულებითაც
მხარდაჭერა ძალიან თვალსაჩინო გახდა ჩემთვის.
ამით
არ დასრულებულა ჩემი ისტორია, როგორც გითხარით, ბიო ორგანული პროდუქციისადმი დაინტერესება
იზრდება და აქ მნიშვნელოვანი იყო ბიო სერტიფიცირების პროცესში ხელშეწყობა, როგორც
ფინანსური, ასევე ცოდნის გაზიარების კუთხითაც, თუ როგორ უნდა იმართებოდეს ბიო წარმოება.
ამ პროცესში ევროკავშირის, შვედეთის და ავსტრიის დახმარებით რამდენჯერმე დაიფარა ბიოსერტიფიცირების
ყოველწლიური გადასახადი, რომელიც ჩემნაირი მცირე მეწარმისთვის, საკმაოდ მნიშვნელოვანი
ხელშეწყობა აღმონდა. ამან, საბოლოო ჯამში მოგვიტანა კიდეც არამარტო ბიოსერტიფიცრების
პროცესში ჩართვა, არამედ ISO 22000 ხარისხის
ნიშნის დანერგვის ინიცირება. სიამაყით შემიძლია ვთქვა, რომ მომავალ წელს ჩემს პროდუქციას
ექნება ბიო სერტიფიცირება და ISO 22000 ხარისხის ნიშანი.
ხარისხი
ვახსენეთ და ვიტყვი, რომ ეს უმნიშვნელოვანესი კომპონენტია დღესღეობით. ამას ასე ხმამამღლა
და დარწმუნებით ვერ ვიტყოდი, რომ არა დახმარებით შეძენილი დანადგარები და პროექტის
ფარგლებში ჩატარებული ტრენინგებით მიღებული ცოდნა, რამაც ერთმნიშვნელოვნად აამაღლა
წარმოების ხარისხი.
აქვე
მინდა გულწრფელად აღვნიშნო, რომ მე ალბათ კიდევ
დიდი ხანი ვერ შევძლებდი ჩემი გეგმების ამ მასშტაბით განხორციელებას და თანამედროვე
მიდგომების დანერგვას. დარწმუნებული ვარ, რომ თანამედროვე მიდგომები აუცილებელია ჩვენს
საქმიანობაში. ვთვლი რომ ჩვენი სექტორის წარმომადგენლებმა
აუცილებლად უნდა ადევნონ თვალყური სიახლეებს და მიიღონ ინფორმაცია იმ შესაძლებლობების
შესახებ, რასაც დონორები სხვადასხვა პროექტების სახით გვთავაზობენ. პირადი გამოცდილების
მაგალითზე დაყრდნობით ვიტყვი, რომ ეს წარმატების ერთ-ერთი მთავარი წინაპირობაა.
წინ
დიდი გეგმებია, ვაპირებ გავაფართოვო წარმოება, ასევე დაინტერესებული ვარ ეკო ტურიზმის
განვითარებით ჭიათურაში. ჩემი სურვილია უახლოეს მომავალში ამ მიმართულებითაც მოხდეს
ჩვენი რეგიონის გამოცოცხლება.
გეგმებზე
ბევრი საუბრით თავს აღარ შეგაწყენთ და გეტყვით რომ გიგა კიპაროიძე და „აგროკულტურა
+“ მზადაა ახალ თანამშრომლობისთვის. საინტერესო იდეების განხილვისთვის, თუ გამოცდილების
გაზიარებისთვის სულ ვარ ხელმისაწვდომი ჩემს ელექტრონულ ფოსტაზე:
giga.kiparoidze@gmail.com
---
ევროკავშირის, შვედეთის და ავსტრიის მხარდაჭერით საქართველოს მაღალმთიან რეგიონში, მცირე და საშუალო მეწარმეები, რომლებმაც მიიღეს მნიშვნელოვანი მხარდაჭერა ბიზნესის განთვითარებისთვის, ჯამში 68 მეწარმეს ითვლის.
თვალი ადევნეთ წარმატების შემდეგ ისტორიებს, სადაც საოცრად საინტერესო ხალხი გვიამბობს საკუთარ გამოცდილებებზე.
პროექტი GRETA | „მწვანე ეკონომიკა: მდგრადი სამთო ტურიზმი და ორგანული სოფლის მეურნეობა“ ევროკავშირის, ავსტრიისა და შვედეთის მხარდაჭერით, საქართველოში ავსტრიის განვითარების სააგენტო ახორციელებს. პროექტი მიზნად ისახავს ბიზნეს-გარემოს გაუმჯობესების ხელშეწყობას და დამატებითი შემოსავლის შექმნის შესაძლებლობის გაზრდას საქართველოს ეკონომიკის ორ ისეთ მნიშვნელოვან სექტორში, როგორიცაა სამთო ტურიზმი და ორგანული სოფლის მეურნეობა. გაიგე მეტი პროექტ GRETA-ს შესახებ: www.gretaproject.ge
ეს მასალა
მომზადებულია
ევროკავშირის,
შვედეთის
და
ავსტრიის
თანადაფინანსებით,
პროექტ
GRETA-ს ფარგლებში.
მის
შინაარსზე
სრულად
პასუხისმგებელია
ავსტრიის
განვითარების
სააგენტო/პროექტი
GRETA და შესაძლოა,
რომ
იგი
არ
გამოხატავდეს
ევროკავშირის,
შვედეთის
და
ავსტრიის
შეხედულებებს.
#68წარმატებისისტორია
#ევროკავშირი #შვედეთი #ავსტრია
#პროექტიGRETA #მთისეკონომიკისგანვითარებისთვის
